ఈశావాశ్యోపనిషత్

ఉ.
దీక్ష తితీక్ష వీక్షయును తీవ్రతరంబగు కాంక్షయున్ లలా
 టాక్షుని లేశమాత్రపు కటాక్షమునక్షర శిక్ష బోధలున్
 మోక్షము పొంద గోరిన ముముక్షుని కిచ్చును దక్షతన్, సదా
 సాక్షిగ తక్షణమ్ము తన చక్షువు చూచునలక్షణుండుగా/నై..కోట శర్మ

తితీక్ష = సహనము, వీక్ష = దృష్టి ( విశేష దృష్టి ), అక్షర శిక్ష = బ్రహ్మతత్వము,
దక్షత = నేర్పు, చక్షువు = జ్ఞాననేత్రము.

వివరణ:
దృఢ సంకల్పము, సహనము, నిత్యానిత్య వివేకము ( విశేష దృష్టి ), తీవ్రమైన మోక్షకాంక్ష, ఫాలనేత్రుని కృప మరియు సద్గురు బ్రహ్మతత్వ ( శ్రుతివాక్య) బోధలూ ముముక్షువుకు తనను అలక్షణుడు, అవ్యవహార్యమైన సాక్షిగ తెలుపు అనుభవజ్ఞానము కలుగుటకు అర్హతను/ నేర్పును కలిగించును.