మత్తేభవిక్రీడితము
శివునర్చించగ చిత్తశుద్ధి కలుగున్ సేవించు దాసుండవై
శివనామస్మరణమ్ము జేయుమెపుడున్ సిద్ధించునేకాగ్రతన్
శివమే నేనను వేదవాక్కు మదిలో చింతించుమెల్లప్పుడున్
భవబంధమ్ములు నిన్ను వీడునిక జీవన్ముక్తి సంప్రాప్తమై
వివరణ:
కర్మోపాసనలవలన కలిగే చిత్తశుద్ధి, ఏకాగ్రతలు ఆత్మవిచారణకు సాధనములు. ఈరెంటినీ సాధించిన సాధకుడు, శ్రుతి వాక్యములను శ్రవణ మననాదుల ద్వారా విచారించి, నేనే బ్రహ్మము నన్న స్ఫురణతో నిరంతరము నిధిధ్యాసన చేయగా బ్రహ్మానుభూతి సిద్ధించును.
శివము అనగా సర్వ మంగళమైన పరమాత్మ (మాండూక్యోపనిషత్ ).
Comments
Post a Comment