మునుపటి జనమల మునిజనసేవల 
ముడుపుగ పొందితి జననిగ 
సీతారావమ్మనందనుడైనందున 
నందించుచు వందనములనందించగ 
శర్మమింకేమి కావలెనీజన్మలొ శర్మకు

పరిమివారింట అపరిమిత ఓరిమి నలవడి
కోటసీతారామయ్యగారి అర్ధాంగిగ మొదలిడి
పెనిమిటికి కడపటికి పూర్ణాంగిగ నిలబడి 
న మాయమ్మ సీతారావమ్మ ఒడి
తడబడు అడుగుల మొదలిడి 
మా నడవడికకు మొదటిబడి

అమ్మలగన్నయమ్మ పాదపద్మములకు
అమ్మ కు పదికాలముల పదిలమునిమ్మని 
రావమ్మనే జన్మజన్మలకమ్మగనిమ్మని 
మనమ్ముననిమ్ముగ వేడెదన్

Comments

Post a Comment

Popular posts from this blog

కనిపెంచిన తలి దండ్రులు        కనిపించెడి దేవతలుగ గ్రహియించు సుమీ!        కనిపించని దేవతలను        వినుతించిననేమొరగదు వీరే దూతల్! కం. తిలకించక సత్యమ్మును,        గలహించుచు, కష్టములను గలిగించినచో        తలిదండ్రులు కలవరపడి        విలపించిన నీదు బ్రతుకు వికటించు సుమా! అల్లరి పిల్లల తల్లికి నల్లట లెల్ల తనపిల్లలల్లరి వల్లన్! పిల్లల కల్లలు తల్లికి నల్లట, పిల్లలకువల్లదల్లరి యెల్లన్ తెలుగు భాష జనుల తెలివి తేటలు పెంచు ధారణందు చిక్కు పూరణందు నన్ని భాష లందు నవధానముండునా తెలుగు పద్యమన్న తేనెలూరు
Read more
వేదమార్గము జ్ఞానమేనని వేయిసూక్తులు వ్రాసెడిన్ ఆదిలేనిది యంతులేనిది యంతటున్నది యొక్కటే భేదభిన్నము లేనెలేదని భేరిగావిని పించెడిన్ ఆదిశంకర లోకమంగళ యార్షసద్గురవే నమో తనువే తానుగ తలచెడి మనసే కారణము జనన మరణమ్ములకున్ తనలో తలపులు నిలుపగ మన మనసే ముక్తినిచ్చు మార్గము చూపున్ మెలకువ నిదురయు కలలను       త్రిలోక ములలో మనుజుడు తిరుగును నిలలో       మెళుకువతో లోకమ్ములు       తిలకించగ విదితమగును తీరు తరింపన్ కం. మెలగును తనువును  మనసును        మెలకువలో, మనసొకటియె మెదలును కలలో        కలిపించి లేని జగతిని,        కలలుకనని నిదురలోన కనబడ వేవీ!  కం. మెలకువ లో కనబడునవి        కలలో నుండవు, కలిగిన కల కనుమరుగౌ        మెలకువలో, మాయమగు స        కలము నిదురలో, సకలము కనునది నీవే
Read more
Bhakthitho..... విన్నాడను నేబోధలు కన్నాడను విన్నుడైన కన్నయ్యను నా కన్నయ్యని మాటలలో విన్నాణము సన్నుతించి వెన్నుని మదిలో గీత బోధలొసగి గిరిధారి కృష్ణయ్య రాత మార్చుకొనెడి ఊతమిచ్చె వెన్న దొంగిలించి విన్నాణమందించె వెన్న దొంగ విద్య విన్న మిన్న వెన్నదొంగకు చక్రధారికి వేణులోల మురారికిన్ చిన్నికృష్ణకు దేవకీసుత  చిద్విలాసకు యోగికిన్ వెన్నుడున్ వటపత్రశాయికి వేదవిద్యల దాతకున్ విన్నవించెద సన్నుతించెద వేయి మారులు భక్తితో ధవళ దేహి! ధవళ వస్త్రధారి! విష్ణు! శాంత మూర్తి! చతుర్భుజి! శంభు సుతుడు శ్రీవినాయకుడికి మ్రొక్క శిరము వాల్చి విఘ్నములు తొలగునెపుడు విజయమగును ఈశపుత్ర వక్రతుండ యేకదంతుడానమో! క్లేశహారి విఘ్నరాజ కేశవప్రియా నమో! పాశబంధ నాశకారి పాపనాశకానమో! పాశహస్త ఫాలచంద్ర పాహిమామ్ వినాయకా! సర్వజనావళి శాంతిని కోరెన్ పార్వతి బొమ్మకు ప్రాణము పోసె న్నుర్విన విష్ణుడి యుద్భవమయ్యెన్ సర్వగణాలకు శాసకుఁడయ్యెన్ ఈశపుత్రుకు వక్రతుండుని కీశనమ్ముల దాతకున్ పాశహస్తుకు ఫాలచంద్రుకు ఫాలనేత్రుకుమారుకున్ క్లేశహారికి విఘ్నహంత్రుని కేకదంత గణేశుకున్ కేశవప్రియు కగ్రగణ్యుడి కెల్లవేళల మ్రొక్కె...
Read more