కం: సరియగు చెలిమికి సరిపడు
సిరియగు చిరు పలుకు సఖుని సేమము కోరన్
మరిమరి సాగెడు ఊసులు
సరిసరి, హరిహరి కొలువుము సద్గుణ
వంతా!
.... కోట శర్మ
ఈశావాశ్యోపనిషత్
ఈశావాస్యోపనిషత్తు 1. సీసం పరమాత్మ తత్త్వమ్ము పరిపూర్ణమైనట్టి దాద్యంతములులేనిదట్టియాత్మ ఆయాత్మనుండియే నావిర్భవించెనీ నశ్వరంబగునట్టి విశ్వమంత నామరూపాదులే నాశమౌ జగతిలో నాభాస జనితమ్ములాత్మలోన భ్రమవీడి జ్ఞానియై పరికించ విశ్వమే పరిపూర్ణమైనట్టి బ్రహ్మమగును ఆటవెలది పూర్ణమీజగత్తు , పూర్ణమా బ్రహ్మము పూర్ణతత్త్వమందు పూర్ణముండు వేద్యమౌ జగత్తవిద్యతొలగినంత పూర్ణతత్త్వముగనె పూర్ణమందు ఓం పూర్ణమదః పూర్ణమిదం పూర్ణాత్పూర్ణముదచ్యతే | పూర్ణస్య పూర్ణమాదాయ పూర్ణమేవావశిష్యతే || ఓం శాంతిః శాంతిః శాంతిః | భావము కనిపించని బ్రహ్మము పూర్ణమైనది ఈ దృశ్య ప్రపంచము పూర్ణమైనది అదృశ్యుడయిన పూర్ణ బ్రహ్మమునుండి ఈ దృశ్య ప్రపంచం వెలువడింది . దృశ్య జగత్తును పూర్ణ బ్రహ్మమునుండి వేరు చేసినప్పటికినీ ఆయన పరిపూర్ణుడే . సత్యమైన పరమాత్మ తత్వం పరిపూర్ణమైనది . ఆ పరమాత్మ నుండియే ఈ జగత్తంతా బయట ఉన్నట్లుగా తోచుచున్నది . అనగా ఆ పరమాత్మ కన్నా జగత్తు వేరుగా ...
Comments
Post a Comment